|
دخيلكون حاجة تدعمونا!!!
بسام طالب
|
||
|
المواطن من كتر ماعم تدعمو الحكومة راح يغط على قلبو ويختنق! فخود على سبيل المثال الخبز 15 ألف مليار ليرة، الكهرباء أكثر من 18 ألف مليار ليرة، المشتقات النفطية أكثر من 17 ألف مليار ليرة، وهدول لحالون 50 ألف مليار وإذا بدك تحسب كل شي عمتحكيه الحكومة عن الدعم اللي عم تدفعوا بشكل مباشر وغير مباشر فيطلع معك أن الحكومة تدعم الشعب بمية ألف مليار (يالطيف)! طيب من وين عمتجيب الحكومة ضعفي حجم موازنتها لتغطي هالعجز! حيث أن موازنة الدولة كلها لا تتجاوز 35.5 ألف مليار ليرة! الجواب: الله أعلم فهي شغلة الحكومة والحكومة بتعرف شغلا؟ أما أبا حديد شوفير ميكرو مهاجرين_صناعة فيقول: أخي انا مابعرف قديش بيطلعلي من كل هالألوف المليارات لكن عطوني مليون بالشهر كاش وخدوا أنتو كل الباقي! صحفي خبيث قال: يمكن الحكومة عم تحسب كل نفقاتها مضافا إليه نفقات الفساد والسرقات والهدر وكل ماهنالك وتعتبره دعما بيجوز! لكن وقتها تصبح كلمة دعمه ليس سنده بل طرقو بالسيارة!
| ||
ما هو تقيمكم لموقع وجريدة الدبور